تعرف لما تحب انسان وتحس انه بيكون افضل انسان في حياتك كلها، تحس أنه الصديق والاخ والحبيب وتوأم روحك والانسان اللي بيكون معك وبيحس فيك بدون ماتطلب مساعدته وتكون له الوطن وتسوي له كل اللي تقدر عليه، ومع الايام قلبك يقولك بأن هالانسان قاعد يخونك ويغدر بك ويكذب عليك وينافق عليك وراح يجي اليوم اللي بيخليك !
بس تسكت وما تقول له اللى خلك معي مهما صار ولا تتركني، تتألم وتبكي بس بدون اي صوت ولما تشوفه تحاول أنك تعمي عينه عن كل الناس بس عشان مايخليك ولا يفكر في يوم انه يشوف احد ثاني غيرك، تحاول انك تملى حياته كلها بك وتعوضه عن كل شي، وكل يوم صوت قلبك يكبر وألمك يزيد وأنت منت عارف تصلح الى انك تدعي ربك أنه يخلي لك هالانسان ولا يحرمك منه ابداً.
وفي يوم ينفجر قلبك ومعد تستحمل اي شي قاعد يصير وتحاول تعرف كل شي قاعد يصير، تبدأ تسأل وتستفسر وتسمع كلام كثير ولما تجي تسأل الانسان اللي تحبه يكذب كل شي ويحلف على نفسه انه مظلوم !، وبحبك له وعشقك تصدقه وتطمأن وتحس ان قلبك هدأ و أول ما تمشي من عنده قلبك يصيح ويقول كذاب !
وفي يوم تقرر أنك تبعد عن كل هذا الالم وعن الانسان اللي كنت تدعي ربك انه مايحرمك منه، ولما تبعد تبدأ تسمع الكلام اللي كان قلبك يقوله لك، تبدأ تسمع عن خياناته وكذبه ونفاقه ! ودك تروح تسأله بس ماتقدر لأنك بعدت عنه !
يفجر صدرك الحنين لحب قديم تحاول ترجع له وتبكي طول ايامك وتروح عليك اهم سنة في عمرك، سنة تخرج من الثانوية واللي تتطلب منك نسبة عالية عشان تدخل التخصص اللي تبغاه بس ماتقدر تدرس لأن كل تفكيرك كيف ترجع حبك القديم جداً وكيف تصدق حقيقة خيانه احسن انسان عندك !
حبك ما رجع والانسان اللي كنت تفضله على نفسك ماقدرت تعرف الكلام اللي عنه صح او لا.
تنعزل عن الناس، وتنعزل بنفسك لأن كل اللي تبغاه اللحين أنك تبعد عن الحب لأن اللي جاك من الحب يكفيك سنين قدام كثير، تنسى حياتك اللي راحت وتبدأ تفكر في حياة جديده، وفي أنك تكون انسان ثاني، انسان يحب الكل ولا يفضل احد على احد ويحب نفسه اكثر من حبيبه، تقعد لحالك وتدور على نفسك وفي اللحظة اللي تنتعش وتحس أنك لقيتها تخرج من عزلتك ..
اول ما تطلع تحس انك بتشوف الاف الناس قدامك، احباب واصحاب واقارب ينتظرونك بالاحضان، وتكتشف أنك وحيد خارج من عزلته. !!
يصادف أنك تحب بدون ما تحس، وتروح وتكلمه وتقوله انا أحبك بدون اي مقدمات، وفي نفسك تحس أن هذا الانسان بيطلعك من كل شي غلط من حياتك، وتحاول أنك تغمره بحبك بس بهدوء وتحاول أنك تمكله عشان لا تخسره، بس احياناً يجي تفكير في راسك بأن حبك له عشان تنسى حب قديم، وفي لحظة قلبك يحلف بأن هالانسان هو الصح لك ولا مثله بيكون احد.
الانسان هذا ما يسأل عنك ولا يكلمك، ولو كلمته ماراح يكلمك اللى اذا مالقي اي احد حوله، تشتاق لك وتتعلق فيه وقلبك يموت عليه وماصار يشوف غيره وانعمى عن كل الناس ومع أن ماودك ابداً انك تتعلق فيه، ودك تكلمه على طول وودك يكون معك طول الوقت بس ما تقدر تعاتبه على بعده لأن علاقتكم ما كملت حتى شهر.
* كُن من أنت حيث تكون و أحمل عبء قلبك وحدة.
